SentraClix

Pages

Rabu, 19 Mei 2010

Geguritan

Geguritan merupakan salah satu bentuk karya sastra Jawa modern yang berkembang samapai sekarang. Sampai sekarang, geguritan berkemban pesat mulai dari yang dimuat dalam majalah sampai yang berbentuk buku dari berbagai pengarang. Ada beberapa pengarang yang terkenal adalah Turiyo Ragil Putra. Ada beberapa karya Turiyo diantaranya sebagai berikut:


Crita Saka Manca


ing papan sarwa salju, aku
ngangen-angen lawang gubug binuka
ana bedhiyang lan lincak


nanging wis kebacut dadi salju
guritan apadene kekarepan
nglinthing bareng tumiyupe angin
nunjem-nunjem dom periih
sadawane wengi


kangmangka ing ngisor salju pinendhem candhi
sing durung kober kababar unine prasasti


Ambal Kebumen, 1 Januari 2007
(Jaya Baya, No. 24 - Tgl.11 Februari 2007)


Babad Wedhi Pasisir

Sorene sore jingga
wengine wengi biru
kembang pandhan mesem marang mbulan
tangane ngawe-awe sajak kemayu
apa hiya iki dayane layang atimu
sing jare bakal ditulis kalane ijen
lan sendhang mung amping-ampingann jendhela
sing wengi iki isih panggah binuka?

biyen aku nate apal gojegmu
kepiye nalika bingung ndhedher sagegem guritan
ing lemah suwung pinggire taman
ora ketang mbalang liring sambi mungkur
nyamudana wingkis sakehing kekarepan
nutup kudhuping kekembangan

iki babad wedhi pasir
pinaes ganda aruming mawar
rarasing riris dhadha kumesar

Ambal Kebumen, September 2003
(Panjebar Semangat, No. 50 - Tanggal 31 Desember 2003)



Ambengan Sega Kuluban

Ambengan sega kuluban dieler ing tampah
diladekake ing pasamunan
direncah bebarengan, kroyokan, rebutan

ambengan sega kuluban
oora ana sing ngerti duweke sapa
kejaba dadi pangane wayang , para dhalang
sing lagi lungguh methingkring

(kidang lan trewelu, kinjeng lan kupu mung bisa nyawang sinambi ngeleg idu)

ambengan sega kuluban, wis gusis dienggo pesta
mung kari tampah ngganda amis, angganda amis
banjur kanggoo bal-balan para buta!

Ambal Kebumen, Januari 2003
(Panjebar Semangat, No. 14 - Tanggal 5 April 2003)

Riwayat

Katresnan ora liya pasiksan sing malih rupa
katresnan ora liya pedhang sing ngancap isinign dhadha

Ambal Kebumen, Januari2003
(Jaya Baya, No. 26 - Tanggal 1 Maret 2003)

0 komentar: